იუსტიციის უმაღლეს სკოლაში მოსამართლეთა რიგგარეშე XXIX კონფერენცია მიმდინარეობს, რომელზეც იუსტიციის უმაღლესი საბჭოს ოთხი მოსამართლე წევრი უნდა აირჩიონ.

მოსამართლეთა კორპუსი, რომელიც 326 მოსამართლისგან შედგება, იუსტიციის უმაღლეს საბჭოში ახალ კანდიდატებს 4 წლის ვადით აირჩევს.

საბჭოს წევრობის კანდიდატებად დასახელდნენ: თემურ გოგოხია, ლევან მიქაბერიძე, ბადრი შონია და გოჩა აბუსერიძე.

იუსტიციის უმაღლეს საბჭოში ოთხი ახალი მოსამართლე წევრის არჩევის აუცილებლობა მას შემდეგ დადგა დღის წესრიგში, რაც მოსამართლე წევრებს: ირაკლი შენგელიას, ირაკლი ბონდარენკოს, ვასილ მშვენიერაძეს და დიმიტრი გვრიტიშვილს საბჭოში მუშაობის ვადა ამოეწურათ.

ცნობისთვის, დღევანდელ სხდომას არ ესწრება სააპელაციო სასამართლოს თავმჯდომარე მიხეილ ჩინჩალაძე.