"ნამახვანჰესის" მშენებლობის მოწინააღმდეგეები ქუთაისში ჩავიდნენ და სოფელ გუმათისკენ მიემართებიან.
როგორც ჟურნალისტებს აქტივისტებმა ქუთაისში განუცხადეს, თუ რას აპირებენ და რა გეგმები აქვთ, ამის შესახებ გუმათში ჩასვლისას გააცნობენ საზოგადოებას.
ცნობისთვის, "რიონის ხეობის მცველები" თბილისიდან ავტოკოლონის მსვლელობით გუმათის მიმართულებით დღეს გაემართნენ.
როგორც ცნობილია, სოფელ გუმათში პოლიციაა მობილიზებული. სამართალდამცველები ავტომობილებით ვრცელ პერიმეტრზე არიან განლაგებული. ადგილზე პოლიციელების მობილიზება დილიდან დაიწყო, მათ გუმათში დამატებითი კონსტრუქციები აღმართეს.