"რიონის ხეობის მცველები" ამ წუთებში „გუმათჰესის” შესასვლელისკენ, სადაც რკინის ბარიკადებია აღმართული, მსვლელობით მიემართებიან. ამის შესახებ გადაწყვეტილება "რიონის ხეობის მცველებმა" ცოტა ხნის წინ მიიღეს, რომლებმაც სოფელ გუმათის შესასვლელი ჩაკეტეს.
როგორც "რიონის ხეობის მცველების" წარმომადგენელმა ვარლამ გოლეთიანმა განაცხადა, გუმათის შესასვლელი იმ მიზნით ჩაკეტეს, რომ ჰესის სამშენებლო ტერიტორიაზე კომპანია "ენკას" ტრანსპორტმა შესვლა ვერ შეძლოს.