მცხეთა-მთიანეთის რწმუნებული დავით ნოზაძე, სოფელ მიქელიანში მისასვლელი გზის რეაბილიტაციის პროცესს გაეცნო

მცხეთა-მთიანეთის რწმუნებული დავით ნოზაძე, სოფელ მიქელიანში მისასვლელი გზის რეაბილიტაციის პროცესს გაეცნო. ამის შესახებ ინფორმაციას მცხეთა-მთიანეთის მხარის სახელმწიფო რწმუნებულის ადმინისტრაცია ავრცელებს.

მათივე ცნობით, საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტმა, დუშეთის მუნიციპალიტეტის სოფელ მიქელიანში მისასვლელი ადგილობრივი მნიშვნელობის 11.4 კმ-იანი საავტომობილო გზის სარეაბილიტაციო სამუშაოები დაიწყო.

„ტენდერში გამარჯვებულმა კომპანიამ ადგილზე უკვე შეიყვანა მძიმე ტექნიკა. პროექტის მიხედვით დუშეთის მუნიციპალიტეტში, გრემისხევის თემში რეაბილიტირდება სოფელ მიქელიანში მისასვლელი 11.4 კმ-იანი საავტომობილო გზა. ამ გზით სარგებლობს როგორც გრემისხევის თემში შემავალი 11 სოფლის (ციხისუბანი, არბოეთი, თხილოვანი, მიქელიანი, პეტრიანი, ციგრიიანთკარი და სხვა), ისე გზის მიმდებარე ტერიტორიაზე არსებული სოფლების მოსახლეობა და სოფელ მიქელიანთან, მდინარე ნარეკვავზე არსებული წყალსაცავის მომსახურე პერსონალი. სამუშაოების მიმდინარეობას მცხეთა-მთიანეთის მხარის სახელმწიფო რწმუნებული დავით ნოზაძე, დუშეთის მუნიციპალიტეტის მერთან, ზურაბ სეხნიაშვილთან და საავტომობილო გზების დეპარტამენტის აღმოსავლეთ საქართველოში ბიუჯეტიდან დაფინანსებული პროექტების მართვის სამსახურის უფროსთან, ვაჟა ადამიასთან ერთად გაეცნო”, - აღნიშნულია ინფორმაციაში.

ნოზაძის განცხადებით, აღნიშნული პრობლემა აღმოიფხვრება, შესაბამისად, ადგილობრივი მოსახლეობა და სტუმრები ახალი კომფორტული და უსაფრთხო გზით სარგებლობას შეძლებენ.

„ეს სოფლები რაიონული ცენტრიდან დაშორებულია 22 კმ-ით. პრობლემები იქმნება როგორც საზოგადოებრივი ტრანსპორტის, ისე დროული სასწრაფო სამედიცინო დახმარების მიღების თვალსაზრისით. ამასთან, სოფლები გამყოფ ხაზთან მდებარეობს. არსებული გზა არის გრუნტოვანი და ძლიერ დაზიანებული, რის გამოც ავტოტრანსპორტის გადაადგილება რთულდება, განსაკუთრებით ნალექიან ამინდში. პროექტის განხორციელების შემდეგ, ყველა ეს პრობლემა აღმოიფხვრება, ადგილობრივი მოსახლეობა და სტუმრები ახალი კომფორტული და უსაფრთხო გზით შეძლებენ სარგებლობას,“-განაცხადა დავით ნოზაძემ.

ამასთან, ნოზაძის თქმით, აღნიშნული გზის რეაბილიტაცია, მმართველი გუნდის 2020 წლის წინასაარჩევნოდ დუშეთის მუნიციპალიტეტის მოსახლეობისთვის მიცემული მთავარი დაპირება იყო.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა