სოფელ გუმათში, სადაც რკინის ჯებირებია აღმართული, ბარიკადებს მიღმა წყლის ჭავლის ავტომანქანებია მობილიზებული.

ბარიკადებს მიღმა იმყოფებიან ასევე სამართალდამცავებიც.

რაც შეეხება „ნამახვანჰესის" მოწინააღმდეგეებს, მათი ნაწილი ამ დროისთვის სოფელ გუმათის შესასვლელთან არის განლაგებული, ნაწილი კი უშუალოდ იმ ტერიტორიაზე, სადაც ბარიკადებია აღმართული.

„რიონის ხეობის მცველების“ წარმომადგენლის ვარლამ გოლეთიანის განცხადებით, ისინი თავიანთი პროტესტის გამოხატვას მშვიდობიანი ფორმით გააგრძელებენ და ამგვარად კომპანია „ენკას" ხეობაში ჰესის სამშენებლო სამუშაოების გაგრძელების უფლებას არ მისცემენ.