ვარლამ გოლეთიანი „ნაცმოძრაობის“ წევრთან შეხვედრაზე - გამომელაპარაკა მე, როგორც რიონის ხეობის ერთ-ერთ მცველს - შეხვედრა აქ, კარავთან იყო და ეს დამალული არც ყოფილა

„რიონის ხეობის მცველების“ წარმომადგენელი ვარლამ გოლეთიანი ადასტურებს, რომ „კარგა ხნის წინ“ შეხვედრა შედგა მასსა და „ნაციონალური მოძრაობის" წევრ გიორგი ხვედელიანს შორის. ამის შესახებ გოლეთიანმა ჟურნალისტებს განუცხადა, როდესაც უპასუხა შეკითხვას, რომლის თანახმად სოციალურ ქსელში ვრცელდება ფოტო, სადაც მისი და „ნაციონალური მოძრაობის“ წევრის გიორგი ხვედელიანის შეხვედრაა ასახული.

ვარლამ გოლეთიანი განმარტავს, რომ ამაში კონსპირაციულს ვერაფერს ხედავს, რადგან შეხვედრა რამდენიმე ადამიანის თანდასწრებით შედგა სოფელ გუმათში.

„შეხვედრა, რა თქმა უნდა შედგა. იცით, რომ უამრავი ადამიანი, მათ შორის პოლიტიკოსებიც ჩნდებიან აქციაზე, მოდიან. ყველას აქვს თავისი იდეა და აზრი, რაც არაერთხელ დაუფიქსირებია სხვადასხვა პერსონას. სიმართლე გითხრათ, ამაში კონსპირაციულს ვერ ვხედავთ. უბრალოდ, იმ დიალოგის დროს ზოგადად მხარდაჭერაზე იყო საუბარი, რომ ზოგადად უჭერენ მხარს მიმდინარე მოვლენებს და გამომელაპარაკა მე, როგორც რიონის ხეობის ერთ-ერთ მცველს. შეხვედრა აქ, კარავთან იყო და ეს დამალული არც ყოფილა. რამდენიმე ადამიანი მოვიდა. მხარდაჭერა კი არ გამოგვიცხადა, ალბათ, რომ მოვიდა აქ მოსვლის ჟესტი სოლიდარობას ნიშნავს. ზუსტი დიალოგი არ მახსოვს. ასე იდენტიფიცირებას ვერც ვახდენ, თქვენ (მედია) კი ამბობთ, რომ „ნაციონალური მოძრაობის" წარმომადგენელია, მაგრამ არ არის ბატონი ხვედელიანი ის პერსონა, რომ ყველა ცნობდეს. რომ გამომელაპარაკა და რაზეც ფოტო არის გადაღებული, მითხრა, რომ ვარ „ნაციონალური მოძრაობის" წევრიო. მაშინ გავიგე მე ეს“, - განაცხადა გოლეთიანმა.

მან ასევე აღნიშნა, რომ მათ პროტესტს ადრე მხარს უჭერდა „სტრატეგია აღმაშენებლის" ლიდერი გიორგი ვაშაძე, თუმცა ეს პოზიცია შეცვალა.

„სხვათაშორის, ამ ნაწილში მინდოდა აღმენიშნა, რომ ამ პროექტის წინააღმდეგი იყო გიორგი ვაშაძე და დღეს ვნახეთ, რომ უცებ მომხრე აღმოჩნდა, სატელევიზიო ეთერში დააფიქსირა მისი პოზიცია“, - აცხადებს გოლეთიანი.

გიორგი კანაშვილი - ჩვენ ერთსა და იმავე „ფილმს“ გვაყურებინებენ, პოლარიზებით ყველა დაიღალა, ხანდახან იქმნება წარმოდგენა, რომ თვითონ პოლარიზების შემოქმედნიც, მაგრამ, სამწუხაროდ, მაინც არაფერი იცვლება
ქართული პრესის მიმოხილვა 27.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP ბიზნესის კორპორაციული სოციალური პასუხისმგებლობის ფორუმზე CSR FORUM 2022 ანგარიშით წარდგა
რომის სასულიერო მუსიკის პონტიფიკალურ ინსტიტუტსა და გიორგი მთაწმინდელის სახელობის საეკლესიო გალობის უმაღლეს სასწავლებელს შორის მემორანდუმი გაფორმდა
„დანკინი“ 2022 წლის ბოლომდე საქართველოში 100-მდე რესტორნით იქნება წარმოდგენილი
ელიტ ელექტრონიქსი 26 წლის იუბილეს აღნიშნავს
„საქართველოს ბანკმა“ ქართველ ემიგრანტებს დამოუკიდებლობის დღე ოთხ  ქვეყანაში ბილბორდებით მიულოცა