„ენკას“ ინფორმაციით, კომპანიამ ტერიტორიაზე მძიმე ტექნიკის გადაადგილება შეზღუდა.
როგორც კომპანიაში აღნიშნავენ, სხვა ტიპის მოსამზადებელი სამუშაოები გეგმურად მიმდინარეობს.
„კომპანია "ენკას" არ შეუჩერებია მოსამზადებელი რიგისა და მიწის სამუშაოები. დღეს ნაწილობრივ შეიზღუდა მძიმე ტექნიკის გადაადგილება, რათა ადგილი არ ჰქონოდა ესკალაციას. სხვა ტიპის მოსამზადებელი სამუშაოები გეგმურად მიმდინარეობს, მოქმედი კანონმდებლობის ფარგლებში, არსებული ნებართვების საფუძველზე”, - აღნიშნავენ კომპანიაში.
ცნობისთვის, დღეს გავრცელდა ინფორმაცია, რომლის თანახმადაც, ტერიტორიაზე კომპანიან სამუშაოები შეაჩერა. როგორც "ნამახვანჰესის" წინააღმდეგ მიმართული პროტესტის ერთ-ერთმა ორგანიზატორმა ვარლამ გოლეთიანმა განაცხადა, მათ ინფორმაცია მიიღეს, რომ ადგილზე სამუშაო შეჩერებულია და კომპანიას დღეს არ უმუშავია.