აქციის მონაწილეების ინფორმაციით, გუმათში, "ნამახვანჰესის" მოწინააღმდეგეებსა და პოლიციას შორის დაპირისპირებისას ორი პირი შეუძლოდ გახდა
სოფელ გუმათში, "ნამახვანჰესის" მოწინააღმდეგეებსა და პოლიციას შორის მომხდარი დაპირისპირებისას ორი პირი შეუძლოდ გახდა. ამის შესახებ "ინტერპრესნიუსს" ერთ-ერთმა აქტივისტმა ადგილზე განუცხადა.
ტერიტორიაზე ასევე მობილიზებულია სასწრაფო დახმარების ავტომობილი.
სოფელ გუმათში "ნამახვანჰესის" მოწინააღმდეგეებსა და პოლიციას შორის დაპირისპირება ცოტა ხნის წინ მოხდა.
აქტივისტები ბარიკადებს მიღმა გადასვლას და „ნამახვანისკენ“ წასვლას ცდილობდნენ, რისი უფლებაც პოლიციამ არ მისცა. აქციის მონაწილეების ინფორმაციით, დაპირისპირებისას ორი პირი დააკავეს.
