აჭარაში ტურისტული სეზონი 15 ივნისს ოფიციალურად გაიხსნება

აჭარის მთავრობის თავმჯდომარის თორნიკე რიჟვაძის განცხადებით, რეგიონში ტურისტული სეზონი 15 ივნისს ოფიციალურად გაიხსნება.

როგორც მან მთავრობის სხდომაზე აღნიშნა, სახმელეთო საზღვრების გახსნა, რეგიონში ტურიზმის აღდგენას სწრაფად მოახდენს.

"საკოორდინაციო საბჭოს გადაწყვეტილებით პირველი ივნისიდან იხსნება სახმელეთო საზღვრები, რაც მოგვცემს საშუალებას რეგიონში ტურიზმის სწრაფი აღდგენა მოვახდინოთ. რაც შეეხება გასული თვის მონაცემებს, მხოლოდ აეროპორტის ნაკადების ნაწილში 60 %-ით არის აღდგენილი ნაკადები და 60- ზე მეტი რეისი სრულდება ყოველკვირეულად. ეს არის ძალიან პოზიტიური დინამიკა, თუმცა ჩვენ გვმართებს, რომ ტურისტული სეზონისთვის კიდევ უფრო აქტიურად მოვემზადოთ, ამიტომ ყველა შესაბამის უწყებას მინდა ვთხოვო, რომ მაქსიმალურად მოხდეს ტურისტული სეზონისთვის მომზადება, იქნება ეს ტურისტული ატრაქციები თუ ზოგადად ქალაქის ინფრასტრუქტურა.

ახლა განსაკუთრებულად მნიშვნელოვანია ქალაქის მომზადება ტურისტული სეზონისთვის, იმ მზარდი ნაკადებისთვის, რომელიც ჩვენ აუცილებლად გვექნება მიმდინარე სეზონზე. ასევე 15 ივნისისთვის, მინდა ვთხოვო ტურიზმის დეპარტამენტს და ყველა სხვა უწყებას, რომ უკვე ოფიციალურად მოვახდინოთ სეზონის გახსნა და ეს ყველაფერი უნდა გაკეთდეს მაქსიმალური სიფრთხილით, ეპიდემიოლოგების რეკომენდაციების გათვალისწინებით, რათა ეკონომიკასთან ერთად შევინარჩუნოთ სტაბილური ეპიდვითრება. ასევე მნიშვნელოვანი საკითხია ის მიმდინარე პროექტები, რომელიც ახალი ტურისტული მიმართულებების შექმნას ისახავს მიზნად, განსაკუთრებით მისასალმებელია, რომ ახალი ატრაქციების შექმნა ხდება არა მხოლოდ ბათუმში, არამედ ყველა მუნიციპალიტეტში, ეს ყველა პროექტი არის პროგრესის ეტაპზე და ბუნებრივია, ჩვენ აქტიურად დავაკვირდებით ამ პროექტების დასრულებას",- განაცხადა თორნიკე რიჟვაძემ.

იხილეთ ვიდეო:აჭარაში ტურისტული სეზონი 15 ივნისს ოფიციალურად გაიხსნება

გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
ქართული პრესის მიმოხილვა 20.01.2022
ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს