სოფელ გუმათში, „ნამახვანჰესის“ მშენებელი კომპანიის "ენკას" საწყობის ეზოში სამართალდამცველების მობილიზებაა

სოფელ გუმათში, „ნამახვანჰესის“ მშენებელი კომპანიის "ენკას" საწყობის ეზოში სამართალდამცველების მობილიზებაა. კომპანიის ეზოში სამართალდამცავები რამდენიმე ავტომობილით ცოტა ხნის წინ შევიდნენ. როგორც „ინტერპრესნიუსს" კომპანიის პრესსამსახურში განუცხადეს, მათთვის უცნობია პოლიციის მობილიზების მიზეზი.

„ამის შესახებ არაფერი არ ვიცით. ჩვენი მხრიდან ამ ეტაპზე მაქსიმალურად არის აქტივობა შემცირებული იმის გამო, რომ რამე ესკალაცია არ მოხდეს", - აცხადებს პრესსამსახურის წარმომადგენელი.

ამ წუთებში "რიონის ხეობის მცველების" ნაწილი სოფელ გუმათის შესასვლელთან იმყოფება. უფრო კონკრეტულად კი, იქ, სადაც კომპანიის საწყობია განლაგებული. ხეობის მცველების მეორე ნაწილი კი უშუალოდ სოფელ გუმათში, რკინის ბარიკადებთან რჩება. ამ დროისთვის ორივე ლოკაციაზე სიმშვიდეა.

შეგახსენებთ, რომ გუშინ ღამით სოფელ გუმათში, სადაც რკინის ბარიკადებია აღმართული "ნამახვანჰესის" მოწინააღმდეგეებსა და პოლიციას შორის დაპირისპირება მოხდა. "ნამახვანჰესის" მშენებლობის მოწინააღმდეგეები ბარიკადებზე ხელების დარტყმითა და ხმაურით გამოხატავდნენ პროტესტს, ამავდროულად ბარიკადებს მიღმა გადასვლას და სოფელ ნამახვანისკენ წასვლას ცდილობდნენ, რისი უფლებაც მათ ადგილზე მობილიზებულმა პოლიციამ არ მისცა. დაპირისპირებისას სამართალდამცველებმა "რიონის ხეობის მცველების" 8 წარმომადგენელი ადმინისტრაციული წესით დააკავა.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს