ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე აღსრულების კოდექსთან დაკავშირებულ საკითხებზე ბანკების ასოციაციის წარმომადგენლებსა და ასოციაციაში შემავალი საბანკო დაწესებულებების იურისტებს შეხვდა. ამის შესახებ ინფორმაციას საქართველოს პარლამენტი ავრცელებს.

შეხვედრის მონაწილეებმა კანონპროექტის ის მოსალოდნელი შედეგები აღნიშნეს, რომელსაც კანონის მიღება მოიტანს.

„შეხვედრაზე კანონპროექტზე საუბრისას ყურადღება გამახვილდა ისეთ საკითხებზე, რომლებიც კანონის იმპლემენტაციამდე, მის ამოქმედებამდე, მათ შორის იუსტიციის სამინისტროს მხრიდანაც იქნება გასატარებელი. ცალკეული საკითხები, სხვადასხვა თვალსაზრისით, შეფასებას და კარგად გაანალიზებას საჭიროებს, რისთვისაც მნიშვნელოვანია გაგრძელდეს სამუშაო პროცესი", - განაცხადა მიხეილ სარჯველაძემ შეხვედრის დასრულების შემდეგ.