ახალგაზრდობის სააგენტოს ხელმძღვანელმა, რეზო ჩარკვიანმა ახალგაზრდულ ფორუმზე, ახალგაზრდობის როლსა და ხედვებზე ისაუბრა.
სააგენტოს ცნობით, Youth Speak Forum-ი ახალგაზრდული პლატფორმაა საქართველოში მცხოვრები სოციალური ინოვატორებისათვის, ბიზნეს ლიდერების, განათლებისა და პოლიტიკურ სპექტრში მომუშავე საზოგადოებისათვის იმ გამოწვევებზე სასაუბროდ და საერთო სამოქმედო გზის შესაქმნელად, რომელიც 2030 წლისთვის გადაჭრის გაერთიანებული ერების მდგრადი განვითარების მიზნებს (SDG's) მსოფლიოსა და საქართველოში.
მათი ინფორმაციით, ფორუმზე რამდენიმე ათეულ ახალგაზრდას საშუალება ჰქონდა, მთელი დღის განმავლობაში მოესმინა სესიები კომპეტენტური სპიკერებისგან და ჩართულიყო დისკუსიაში.
როგორც ახალგაზრდობის სააგენტოში აღნიშნავენ, ფორუმი ყოველწლიურად 120-ზე მეტ ქვეყანაში ტარდება. საქართველოში YSF–ი AIESEC in Georgia-სა და გაეროში საქართველოს ახალგაზრდობის წარმომადგენლის ორგანიზებით წელს, საქართველოს ეროვნულ უნივერსიტეტ სეუ–ში ჩატარდა.