გუმათში სამართალდამცველებსა და "ნამახვანჰესის" მოწინააღმდეგეებს შორის კიდევ ერთი დაპირისპირება მოხდა.

აქციის მონაწილეები რკინის ჯებირს აწვებოდნენ და ცდილობდნენ ბარიკადების გადაყირავებას, რისი საშუალებაც პოლიციამ არ მისცა.

ვარლამ გოლეთიანმა აქციის მონაწილეებს მოუწოდა, "არ მიაწვნენ და გამოვიდნენ უკან".

აქციის მონაწილეები ამბობენ, რომ რამდენიმე აქტვისტს ვერ პოულობენ და პოლიციას მოუწოდებენ, დაკავებულები გაათავისუფლოს.

ამ დროისთვის აქციის მონაწილეები კვლავ ბარიკადებს ხელებს ურტყამენ შეძახილებით: "საქართველოს გაუმარჯოს", "საქართველო".