“რიონის ხეობის მცველის” ვარლამ გოლეთიანის განცხადებით, რიონის ხეობაში აღმართულ ბარიკადებთან ექსპერტ-კრიმინალისტები გამოჩდნენ.

მისივე თქმით, ადგილზე „ხმაურის აქცია“ მიმდინარეობს.

„გამოჩნდნენ ექსპერტ-კრიმინალისტები, რომლებმაც გააბეს ყვითელი ლენტი, როგორც ჩანს, ბარიკადის დაზიანების ნაწილზე დაიწყეს გამოძიება.

ალბათ, ამ ყველაფრის გაგრძელებაა, იმ აბსურდული თუ არაადეკვატური ნაბიჯების მთელი კასკადი, რომელსაც უყურებს საზოგადოება. ამას მოჰყვა ხმაურის აქციის დაწყება ამ მოცემულ მომენტში“,-აღნიშნავს ვარლამ გოლეთიანი და დასძენს, რომ შინაგან საქმეთა სამინისტროს მოძრაობის წევრების „დაშინება სურს“.