კორონავირუსის შემთხვევების დადასტურების გამო, გორის მუნიციპალიტეტის ორ სკოლასა და სამ საბავშვო ბაღში სასწავლო-სააღმზრდელო პროცესი შეჩერდა

გეგმური ტესტირების ფარგლებში გამოვლენილი კოვიდინფიცირების შემთხვევების გამო, გორის მუნიციპალიტეტის ორ სკოლასა და სამ საბავშვო ბაღში სასწავლო-სააღმზრდელო პროცესი შეჩერდა.

განათლებისა და მეცნიერების სამინისტროს გორის საგანმანათლებლო რესურსცენტრის ხელმძღვანელის, ნანა ტერმაკოზაშვილის ინფორმაციით, კოვიდ 19-ის შემთხვევები გორის მე-2 და მე-3 საჯარო სკოლებში დაფიქსირდა, შესაბამისად, საზოგადოებრივი ჯანდაცვის ცენტრის რეკომენდაციით, 10 ივნისამდე დისტანციური სწავლების გადაწყვეტილება მიიღეს.

აღნიშნულის გარდა, მუნიციპალიტეტის მასშტაბით, 2 ივნისამდე დისტანციური სწავლების რეჟიმი მოქმედებს გორის მეშვიდე, სოფელ პატარა მეჯვრისხევისა და კარალეთის #1 საჯარო სკოლებშიც.

კოვიდინფექციის შემთხვევების დადასტურების გამო, სააღმზრდელო პროცესი შეჩერდა სამ საბავშვო ბაღშიც. გორის მუნიციპალიტეტის სკოლამდელი აღზრდის სააგენტოს ხელმძღანელის ლია კოვზიაშვილის ინფორმაციით, გეგმური ტესტირებისას კოვიდ 19 სოფლების - სვენეთის და რეგის და ასევე გორის მე-19 ბაღის თანამშრომლებს დაუდასტურდათ, რის გამოც სკოლამდელი აღზრდის სამივე დაწესებულებაში სააღმზრდელო პროცესი შეჩერდა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!