თბილისის საქალაქო სასამართლომ "მოძრაობა საქართველოსთვის" წევრი გიორგი მუმლაძე 1400 ლარით დააჯარიმა.

სამოქალაქო აქტივისტის თქმით, „ქართული ოცნება" ცდილობს მათ მიმართ განახორციელოს პოლიტიკური დევნა და ქუჩაში აქტიურ პროცესებს ჩამოაშორონ. მუმლაძის თქმით, სასამართლომ რაც არ უნდა ჯარიმები დაწეროს, ბრძოლას მაინც გააგრძელებს.

„ქართული ოცნება" და სისტემა აგრძელებს ჩვენ დევნას პოლიტიკური ნიშნით. სხვა არაფერი არ ჰქვია ამას თუ არა, თუნდაც დღეღევანდელ დღეს ჩემი დაჯარიმების ფაქტი. 11 თებერვალს დაიწყეს ჩემს მიმართ ადმინისტრაციული სამართლწარმოება, ეს ეხებოდა „ქართული ოცნების" ოფისთან გამართულ აქციას. იქ გაკეთებული წარწერების გამო მერიამ 2000 ლარით დამაჯარიმა და ახლა მოსამართლემ 1400 ლარით.

იმ დღეს, როდესაც ეს ფაქტი მოხდა, გონება დავკარგე იმდენად ძალის გადამეტებით ხდებოდა დაკავების ფაქტი.

„ქართული ოცნება" ცდილობს ჩვენს მიმართ განახორციელოს პოლიტიკური დევნა, შეგვაშინოს და ჩამოვშორდეთ აქტიურ პროცესებს ქუჩაში. ეს არ მოხდება. რაც არ უნდა ჯარიმები დაწერონ, პატიმრობა და ფიზიკური ძალა გამოიყენონ, ჩვენ ბრძოლას მაინც გავარძელებთ“, - განაცხადა მუმლაძემ.