ჩვენ ვიხილეთ ენმ-ს სრული ლუსტრაცია, აპოლიტიკური და ანტიდასავლური ქმედებების კასკადი, - ამის შესახებ აჭარის ავტონომიური რესპუბლიკის უმაღლესი საბჭოს ჯანმრთელობის დაცვისა და სოციალურ საკითხთა კომიტეტის თავმჯდომარე ილია ვერძაძემ განაცხადა.
მისივე თქმით, სახეზეა როგორც საკუთარი მხარდამჭერების, ასევე ზოგადად ამომრჩეველთა უპატივცემულობა.
„მათი გადაწყვეტილება დღეს, ამ ფორმით, სხვა არაფერია, თუ არა უპირატესად საკუთარ კომფორტზე ზრუნვა და მარგინალიზაციის გადავადების მცდელობა. ვფიქრობ, ჩვენ ყველანი გავხდებით „ნაციონალური მოძრაობის“ მხრიდან დესტრუქციის ახალი ტალღის და რადიკალიზაციის გზით, საკუთარი უსუსური პოლიტიკის გამართლების და გადაფარვის მცდელობის მომსწრენი.“,- აღნიშნავს ვერძაძე.