ბოლნისის, დმანისის, თეთრიწყაროსა და წალკის მაჟორიტარი დეპუტატი გოგი მეშველიანი და ბოლნისის მუნიციპალიტეტის მერი დავით შერაზადიშვილი, ადგილობრივი თვითმმართველობის წარმომადგენლებთან ერთად დღეს სოფელ ხატისოფლის მოსახლეობას შეხვდნენ და სოფელში არსებული სასმელი წყლის პრობლემის მოგვარების გზებზე იმსჯელეს.

ინფორმაციას ბოლნისის მუნიციპალიტეტის მერიის პრესსამსახური ავრცელებს.

მათი ინფორმაციით, შეხვედრის შედეგად გადაწყდა, რომ პრობლემის მოკვლევის შემდგომ, წყლის დებეტის გაზრდის მიზნით, სოფელში დამატებითი ჭაბურღილი მოეწყობა.

როგორც ბოლნისის მუნიციპალიტეტის მერიაში აღნიშნავენ, ამ ეტაპზე ადგილობრივი თვითმმართველობა არსებული რეზერვუარისა და შიდა ქსელების პროექტირების საკითხსა და აღნიშნული პროექტისთვის სამშენებლო თანხების სხვადასხვა ფონდიდან მოძიებაზე აქტიურად მუშაობს.