ბათუმში, აეროპორტის გზატკეცილზე, გაფორმების ეკონომიკურ ზონასთან საერთაშორისო გადაზიდვების მძღოლების ნაწილი საპროტესტო აქციას მართავენ. მათ პროტესტის ნიშნად აღნიშნული უწყების შესავლელი გზა გადაკეტეს.
როგორც მძღოლები აცხადებენ, ისინი მოითხოვენ თურქეთთან, რუსეთთან და კიდევ რამდენიმე ქვეყანასთან საერთაშორისო გადაზიდვების აღდგენას. აცხადებენ, რომ სატვირთო ავტომობილები გაჩერებული აქვთ და შემოსავლის გარეშე დარჩნენ. მათივე თქმით, უმუშევრად დარჩენილ მძღოლებს საბანკო დავალიანება გაეზარდათ.
მძღოლების განცხადებით, რამდენიმე დღის წინ მთავრობის წარმომადგენლებს შეხვდნენ თუმცა ამას შედეგი არ მოჰყოლია.
ადგილზე სამართალდაცავები არიან მობილიზებული.