დავით ბაციკაძე - ნიკა მელიამ განაცხადა, რომ ვინც შევა პარლამენტში, ის არის „პუფი“ - „ნაცმოძრაობას" კიდევ ერთი წევრი მოვუყვანე და დღეს დავაყენებთ საკითხს, „პუფს“ მივანიჭოთ უფლებამოსილება
აჭარის უმაღლეს საბჭოში „ქართული ოცნების" დეპუტატმა დავით ბაციკაძემ პლენარულ სხდომაზე „პუფი“ მიიტანა.
როგორც მან განაცხადა, „ერთიანი ნაციონალური მოძრაობის" თავმჯდომარე ნიკა მელიამ თავის დროზე განაცხადა, რომ ვინც საკანონმდებლო ორგანოში შევა, ის იქნება „პუფი“.
„მე გავაკეთე ის, რაც თქვა პარტიის თვმჯდომარე ნიკა მელიამ. მან თქვა: „ვინც შევა პარლამენტში, ის არის „პუფი“.
„ნაციონალურ მოძრაობას" კიდევ ერთი წევრი მოვუყვანე და დღეს დავაყენებთ საკითხს, კიდევ ერთ წევრს მივანიჭოთ უფლებამოსილება - „პუფს“, რადგან ასე თქვა ნიკა მელიამ",- აცხადებს დავით ბაციკაძე.
ცნობისთვის, აჭარის უმაღლეს საბჭოს პლენარულ სხდომას „ერთიანი ნაციონალური მოძრაობის" კვოტით ოპოზიციის წევრები პირველად ესწრებიან.
ამ წუთებში „მინისტრის საათის“ ფარგლებში აჭარის ფინანსთა და ეკონომიკის მინისტრს ჯაბა ფუტკარაძეს უსმენენ.
