პროკურორის განცხადებით, გიგი უგულავამ მის საქმეში „ამნისტიის შესახებ კანონის“ გამოყენებაზე უარი განაცხადა

გიგი უგულავას საქმის პროკურორის, ნათია გურულის ინფორმაციით, დღევანდელ სასამართლო პროცესზე გიგი უგულავასთვის ამნისტიის კანონპროექტის გამოყენების შესახებ დაზარალებული ბადრი გავაშელიშვილის პოზიცია უნდა მოესმინათ, რაზეც უგულავამ უარი განაცხადა.

მისივე თქმით, მუხლზე, რომელიც უგულავას ბრალად ედება, ამნისტიის კანონპროექტი ვრცელდება და სისხლის სამართლებრივი პასუხისმგებლობისგან ათავისუფლებს, თუმცა ამისათვის ორივე მხარის თანხმობა იყო საჭირო.

„გიორგი უგულავას ბრალი დაედო, რომ ჩაიდინა სისხლის სამართლის კოდექსის 126-ე მუხლით გათვალისწინებული დანაშაულებრივი ქმედება, აღნიშნული ქმედებაზე ვრცელდება ამნისტია და ათავისუფლებს სისხლის სამართლებრივი პასუხისმგებლობისგან და სასჯელისგან იმ შემთხვევაში, თუ ერთის მხრივ თანახმა იქნებოდა დაზარალებული და მეორეს მხრივ, ამაზე თანხმობას განაცხადებდა ბრალდებული. იმის გათვალისწინებით, რომ ბრალდებულმა თავად განაცხადა უარი მის მიმართ ამნისტიის შესახებ კანონის გამოყენებაზე, ვერ მოხდა დაზარალებულის პოზიციის მოსმენა”, - აღნიშნა ნათია გურულმა.

ცნობისთვის, შემთხვევა თბილისის აეროპორტში 2019 წლის 11 დეკემბერს მოხდა. გიგი უგულავას ბრალი სისხლის სამართლის კოდექსის 126-ე მუხლით აქვს წარდგენილი, რაც ძალადობას გულისხმობს. მას ძიუდოისტ ბადრი გავაშელიშვილის ცემას ედავებიან. გიგი უგულავასთან ერთად ბრალდებულია გავაშელიშვილის მეგობარი დავით პარკაძე, რომელსაც პოლიტიკოს გოკა გაბაშვილის ცემას ედავებიან.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!