რუსთავისა და გარდაბნის 10 თემის მაჟორიტარი ადგილზე ყველა იმ მნიშვნელოვან პროექტს გაეცნო, რომელიც გარდაბნის მუნიციპალიტეტში ხორციელდება. ამის შესახებ „ინტერპრესნიუსს“ ნინო ლაცაბიძის ბიუროდან აცნობეს.
მათივე ცნობით, მაჟორიტარი დეპუტატი ასევე სასმელი და სარწყავი წყლის პრობლემას გაეცნო, რომელზე მუშაობაც აქტიურ ფაზაშია.
გარდაბნის მუნიციპალიტეტის ხუთი სოფლის წყალმომარაგების სისტემის მოწყობითი სამუშაოების მეორე ეტაპი მიმდინარეობს, აღნიშნული პროექტი უზრუნველყოფს, მარტყოფის, ნორიოს, ახალსოფლის, ვაზიანისა და ახალი სამგორის წყლით მომარაგებას. პროექტის ღირებულება შეადგენს 16 245 634 ლარს.