ირაკლი კოვზანაძე - რეცესიისა და პანდემიის მიუხედავად, სადაზღვევო სექტორი მოგებაზე გავიდა

„სადაზღვევო სექტორის 2020 წლის ფინანსური მაჩვენებლები პოზიტიურია, რეცესიისა და პანდემიის მიუხედავად, სადაზღვევო სექტორი მოგებაზე გავიდა - 47.6 მილიონი ლარით. ასევე გაიზარდა მოზიდული სადაზღვევო პრემია 6.8%-ით და 667,3 მილიონი ლარი შეადგინა. ძირითადად ზრდა ჯანმრთელობისა და ქონების დაზღვევის მიმართულებით არის“, -ამის შესახებ პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძემ დაზღვევის სახელმწიფო ზედამხედველობის სამსახურის ხელმძღვანელ დავით ონოფრიშვილთან შეხვედრაზე განაცხადა.

პარლამენტში გამართულ სამუშაო შეხვედრაზე საუბარი შეეხო ასევე 2021 წლის პირველი კვარტლის შედეგებს. განხილული იქნა თუ რა გავლენა მოახდინა პანდემიამ სადაზღვევო ბაზარზე და რა გამოწვევების წინაშეა დღეს ეს სექტორი.

ირაკლი კოვზანაძის თქმით, საჭიროა მოვიწვიოთ საქართველოს დაზღვევის სახელმწიფო ზედამხედველობის სამსახურის სამეთვალყურეო საბჭოს სხდომა, სადაც დეტალურად განვიხილავთ გასული წლის ანგარიშს. სამეთვალყურეო საბჭოს წევრები არიან: პარლამენტის საფინანსო-საბიუჯეტო კომიტეტის თავმჯდომარე; ეკონომიკისა და მდგრადი განვითარების მინისტრი; ფინანსთა მინისტრი; ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი; გარემოს დაცვისა და სოფლის მეურნეობის მინისტრი; დამსაქმებელთა ასოციაციისა და ბიზნეს ასოციაციის პრეზიდენტები. დღეს სადაზღვევო ბაზარზე წარმოდგენილია 18 სადაზღვევო კომპანია ჯამურად 279,1 მილიონ ლარიანი კაპიტალით.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა