გორის მერმა კონსტანტინე თავზარაშვილმა მუნიციპალიტეტში მოქმედი საზოგადოებრივი ორგანიზაციების წარმომადგენლებს ონლაინ ფორმატში 5 თვის საქმიანობის ანგარიში წარუდგინა. როგორც „ინტერპრესნიუსს“ გორის მერიიდან აცნობეს, მერმა სტუმრებს დასრულებულთან ერთად, მიმდინარე და დაგეგმილი პროექტებიც გააცნო.
ღონისძიება აღმოსავლეთ ევროპის ცენტრი მრავალპარტიული დემოკრატიისათვის (EECMD) გორის დემოკრატიის სკოლის ინიციატივით მოეწყო.
„ჩვენთვის ძალიან მნიშვნელოვანია მუნიციპალიტეტის საქმიანობის შესახებ მოსახლეობის უწყვეტი ინფორმირება. გორის მერია ღია უწყებაა და ყოველთვის მზადაა თანამშრომლობისთვის. მიხარია, რომ მსგავსი სახის შეხვედრებმა ტრადიციული ხასიათი მიიღო. მადლობა გორის დემოკრატიის სკოლას ამ შესაძლებლობისთვის.“ - აღნიშნა კონსტანტინე თავზარაშვილმა.