გარემოს დაცვის მსოფლიო დღესთან დაკავშირებით, ბოლნისის მუნიციპალტეტის მერიამ დასუფთავების აქცია მოაწყო

ბოლნისის მუნიციპალიტეტის მერიამ საქართველოს მწვანეთა მოძრაობა/დედამიწის მეგობრების კამპანიის „დავასუფთაოთ საქართველო“-ს ფარგლებში, დასუფთავების აქცია გამართა. ამის შესახებ ინფორმაციას ბოლნისის მერია ავრცელებს.

მათივე ინფორმაციით, საჯარო მოხელეებმა, შპს “კომუნალური მეურნეობის" თანამშრომლებთან და ადგილობრივ მოსახლეობასთან ერთად სოფელ ცურტავში მდებარე, ქეთევან დედოფლის სახელობის დედათა მონასტრის მიმდებარე ტერიტორია დაასუფთავეს. დასუფთავების აქციაში მონაწილეობა ტრადიციულად ბოლნისის მუნიციპალიტეტის მერმა დავით შერაზადიშვილმა მიიღო.

„ბოლნისის მუნიციპალიტეტი გარემოს დაცვის მსოფლიო დღეს ყოველწლიურად აღნიშნავს. დღეს მერიის თანამშრომლებმა ადგილობრივ მოსახლეობასთან ერთად ცურტავის დედათა მონასტრის მიმდებარე ტერიტორია დავასუფთავეთ. ჯანსაღი გარემო თითოეული ჩვენგანისთვის უმნიშვნელოვანესია და ბოლნისის მუნიციპალიტეტი გარემოს დაცვის მიმართულებით არაერთ პროექტს ახორციელებს, მათ შორის ჩვენ ვართ ევროკავშირის ინიციატივის ხელმომწერები, რომელიც მუნიციპალიტეტში CO2-ის 30%-ით შემცირებას ითვალისწინებს. ყველას მოგიწოდებთ გავუფრთხილდეთ და ვიზრუნოთ ჩვენს გარემოზე“, - განაცხადა ბოლნისის მუნიციპალიტეტის მერმა დავით შერაზადიშვილმა.

გარემოს დაცვის მსოფლიო დღე გაეროს გენერალური ანსამბლეის 1972 წლის გადაწყვეტილებით ყოველწლიურად 5 ივნისს აღინიშნება. გარემოს დაცვის მსოფლიო დღე მიზნად ისახავს ადამიანთა პასუხისმგებლობის გაცნობიერებას ბუნების მიმართ, გარემოს მდგრადი განვითარებისთვის ხელშეწყობას და გარემოს შენარჩუნებისა და გაუმჯობესებისთვის ბრძოლაში საზოგადოების აქტიურ ჩართვას.

გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
ქართული პრესის მიმოხილვა 20.01.2022
ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს