აჭარაში ტურისტული სექტორის წარომადგენლებთან შეხვედრა მიმდინარეობს

აჭარაში ზაფხულის ტურისტული სეზონის უსაფრთხოდ ჩასატარებლად ტურისტული სექტორის წარმომადგენლებთან შეხვედრები დაიწყო.

ამის შესახებ ინფორმაციას აჭარის ტურიზმის დეპარტამენტი ავრცელებს.

მათივე ცნობით, აჭარის ტურიზმის დეპარტამენტმა შრომის უსაფრთხოების ინსპექციის თანამშრომლებთან ერთად კვებისა და განთავსების ობიექტების წარმომადგენლებს კოვიდრეგულაციები და უსაფრთხოების სტანდარტები გააცნეს.

„ შეხვედრაზე აჭარაში სერვისის გაუმჯობესების მიზნით შემუშავებული ახალი ვებგვერდის serviceajara.ge პრეზენტაციაც გაიმართა, რომელზეც მსურველებს დეპარტამენტის მიერ დაგეგმილ ყველა ტრენინგზე, სემინარსა თუ მასტერკლასზე დარეგისტირება ონლაინ შეეძლებათ. გვერდზე ერთადაა თავმოყრილი კოვიდრეგულაციები და უსაფრთხოების სტანდარტები, ასევე ვიდეოგაკვეთილები, სახელმძღვანელოები თუ სატრენინგო მასალები, რაც აჭარის ტურიზმის დეპარტამენტმა რეგიონში სერვისის გაუმჯობესების მიზნით წლების განმავლობაში მოამზადა“,- აღნიშნულია გავრცელებულ ინფორმაციაში.

როგორც აჭარის ტურიზმის დეპარტამენტის ხელმძღვანელმა თინათინ ზოიძემ აღნიშნა, აჭარაში ზაფხულის ტურისტული სეზონი ოფიციალურად 15 ივნისს იხსნება.

„ ჩვენ გვსურს, კიდევ ერთხელ მოვუწოდოთ და შევახსენოთ ტურისტული სექტორის წარმომადგენლებს მაქსიმალურად დაიცვან კოვიდრეგულაციები და უსაფრთხოების სტანდარტები, რათა შევძლოთ რეგიონში უსაფრთხოდ ტურისტების მიღება. ჩვენ შეხვედრები ბათუმიდან დავიწყეთ და აჭარის ყველა მუნიციპალიტეტში ვგეგმათ საოჯახო-სასტუმრო სახლების, კვების ობიექტების, სასტუმროებისა თუ ღვინის მარნების წარმომადგენლებთან პირისპირ შეხვედრას. მათ საშუალება ექნებათ შრომის უსაფრთხოების ინსპექციის წარმომადგენლებისგან ყველა კითხვაზე მიიღონ კომპეტენტური პასუხი და მაქსიმალურად მოემზადონ სეზონისთვის. მნიშვნელოვანია ჩვენი ახალი ვებგვერდიც, სადაც დაინტერესებულ პირებს ყველა მათთვის საჭირო ინფორმაციის, რეგულაციის, სტანდარტისა თუ ტრენინგის ნახვა შეუძლიათ. ეს გაამარტივებს მათ ჩართულობას რეგიონში სერვისის გაუმჯობესების მიზნით დაგეგმილ ყველა პროექტსა და მიმდინარე ტრენინგებში,“ - განაცხადა თინათინ ზოიძემ.

შეხვედრას აჭარის ჯანდაცვის მინისტრი ნინო ნიჟარაძე, ბათუმში მოქმედი კვებისა და განთავსების ობიექტებისა და საქართველოს შრომის უსაფრთხოების ინსპექციის წარმომადგენლები ესწრებოდნენ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე