"ნამახვანჰესის" მოწინააღმდეგეები ორშაბათს, 7 ივნისს, სოფელ გუმათიდან ქუთაისისკენ, ჰესის მშენებელი კომპანიის "ენკას" ოფისის, მიმართულებით მსვლელობას გამართავენ. შესაბამისი განცხადება გუმათში აქციების ერთ-ერთმა ორგანიზატორმა ვარლამ გოლეთიანმა 5 ივნისს გააკეთა.

მისივე თქმით, მსვლელობა 14:00 საათზე დაიწყება.

მან მოსახლეობას მოუწოდა, შეუერთდნენ მსვლელობას.

შეგახსენებთ, "ნამახვანჰესის" მშენებლობას "რიონის ხეობის მცველები" უკვე 220 დღეზე მეტია აპროტესტებენ.