ქალაქ ამბროლაურში „სიყვარულის ჩანჩქერის” მიმდებარე ტერიტორიის კეთილმოწყობა ხორციელდება

ქალაქ ამბროლაურში, „სიყვარულის ჩანჩქერის” მიმდებარე ტერიტორიის დასუფთავებისა და კეთილმოწყობის სამუშაოები მიმდინარეობს. ამის შესახებ ინფორმაციას ამბროლაურის მერია ავრცელებს.

მათივე ინფორმაციით, სამუშაო პროცესს სახელმწიფო რწმუნებული პაპუნა მარგველიძე, მუნიციპალიტეტის მერი ზვიად მხეიძე, საკრებულოს თავმჯდომარე-ასლან საგანელიძე და ხელისუფლების სხვა წარმომადგენლები გაეცნენ.

„აღნიშნული ადგილი სისტემატიურად ბინძურდებოდა სხვადასხვა სახის ნარჩენებისგან, ამიტომ მუნიციპალიტეტის ინიციატივით მიმდინარეობს ბეტონის დამცავი ჯებირების მოწყობა, რათა არ მოხდეს ტერიტორიის კვლავ დაბინძურება. გარდა ამისა, იგეგმება ჩანჩქერთან არსებული წყაროს მოპირკეთება და სამომავლოდ ტურისტული ინფრასტრუქტურის მოწყობა.

ე.წ. ,,სიყვარულის ჩანჩქერი“ ამბროლაურის შემოსასვლელთან, გურგენიძის ქუჩაზე მდებარეობს. ჩანჩქერი დახავსებულ კლდოვან მასივზე გადმოედინება და საოცრად ლამაზ სანახაობას ქმნის. ის განსაკუთრებით ცნობილია გულის ფორმის შესასვლელის მქონე ქვაბულით. ეს სახელიც სწორედ ქვაბულის ფორმის გამო დაერქვა. სიყვარულის ჩანჩქერი რაჭის ერთ-ერთი პოპულარული და ტურისტებისთვის საყვარელი ადგილია“, - ნათქვამია ინფორმაციაში.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება