დავით გაბაიძემ და კაროლ ფშივარამ თანამშრომლობის მემორანდუმს ხელი მოაწერეს
აჭარის ავტონომიური რესპუბლიკის უმაღლეს საბჭოსა და კავკასიის ფონდს შორის თანამშრომლობის მემორანდუმი გაფორმდა.
როგორც „ინტერპრესნიუსს“ უწყებიდან აცნობეს, დოკუმენტს უმაღლესი საბჭოს თავმჯდომარემ დავით გაბაიძემ და პოლონეთის ქალაქ ვროცლავში მოქმედი კავკასიის ფონდის მმართველი საბჭოს თავმჯდომარემ, ბათუმის საპატიო მოქალაქემ კაროლ ფშივარამ მოაწერეს ხელი.
„მემორანდუმი მიზნად ისახავს საერთაშორისო და ეროვნულ პროექტებში ერთობლივ მონაწილეობას, რაც ხელს შეუწყობს უმაღლესი საბჭოს ინსტიტუციურ განვითარებასა და ორმხრივ ურთიერთობებში რეგიონის აქტიურ ჩართულობას”,- ნათქვამია ინფორმაციაში.
