ქობულეთში, სოფელ ბობოყვათის მცხოვრებლები აქციას მართავენ

ქობულეთში, სოფელ ბობოყვათის მცხოვრებლები საპროტესტო აქციას მართავენ. როგორც შეკრებილებმა განაცხადეს, ისინი ზღვისპირა ზოლში მიწების დაბრუნებას ითხოვენ.
აქციის მონაწილეების თქმით, აღნიშნული მიწის ნაკვეთები წინაპრებმა დაუტოვეს, რომელიც 2004 წელს სახელმწიფომ ჩამოართვა.
მათი განცხადებით, 150-მდე მესაკუთრის მიწის ნაკვეთები, მთავრობამ აუქციონზე გაიტანა, რასაც აპროტესტებენ.
"ზღვისპირას 30 ჰექტრამდე მიწის ნაკვეთი მთავრობამ აუქციონზე გასაყიდად გაიტანა. ჩვენ ვაფრთხილებთ, ინვესტორი აქ ტექნიკას ვერ შემოიყვანს. მიწები წინაპრებმა დაგვიტოვეს, რომელსაც არ დავთმობთ",- აცხადებენ აქციის მონაწილეები.

























