მიხეილ სარჯველაძის განცხადებით, არავითარი წინაპირობა არ არსებობს, რომ მიშელის დოკუმენტის შეთანხმება რომელიმე ნაწილში ვერ შესრულდეს
პარლამენტის ადამიანის უფლებათა დაცვის კომიტეტის თავმჯდომარის მიხეილ სარჯველაძის განცხადებით, არავითარი წინაპირობა არ არსებობს იმის სათქმელად, რომ რომელიმე ნაწილში შეიძლება ვერ შესრულდეს შარლ მიშელის დოკუმენტის შეთანხმება. მისივე განმარტებით, ოპოზიციას არასწორად უჩნდება განცდა, რომ შარლ მიშელის დოკუმენტი არ სრულდება, ვინაიდან, აქამდე ნაკეთები საქმეები სრულიად საწინააღმდეგოს ადასტურებს.
„ყველა მიმართულებით, რომელიც გათვალისწინებულია მიშელის დოკუმენტში და რომლის შესრულებაც ჩვენ ხელგვეწიფება, მუშაობა დაწყებულია ინტენსიური ტემპით. ეს ხელისუფლების პრიორიტეტია ამ წუთას და ზოგადად, პოლიტიკური სპექტრის. მე მგონია, რომ ოპოზიციის მხრიდან უფრო ადგილი აქვს მცდელობას წარმოაჩინოს, თითქოს ვინმე აჭიანურებს ამ პროცესს, მაგრამ ასე არ არის. ვადები, რაც არის განსაზღვრული, ამის თაობაზე მუშაობა მიმდინარეობს და არავითარი წინაპირობა არ არსებობს იმის სათქმელად, რომ რომელიმე ნაწილში შეიძლება ვერ შესრულდეს შეთანხმება. ამისთვის არავითარი საფუძველი არ არსებობს, გარდა ლიტონი განცხადებებისა ზოგიერთი ოპოზიციონერის მხრიდან, რომ ცდილობენ შექმნან ილუზია თითქოს ხელისუფლებას ამის სურვილი არ აქვს. ეს ასე არ არის", - აცხადებს სარჯველაძე.
v-if="article.gallery" v-html="article.gallery"
