ნათია თურნავა - პანდემიის მიუხედავად, საქართველოში ახალი ავიაკომპანიები შემოვიდნენ და ეს პროცესი გაგრძელდება

ტურიზმის აღდგენის და მგზავრთნაკადის ზრდის პროცესი გრძელდება საქართველოს ყველა საერთაშორისო აეროპორტში, რადგან უკვე ზაფხულის სეზონია, - განაცხადა დღეს ეკონომიკისა და მდგრადი განვითარების მინისტრმა ქუთაისის განახლებული საერთაშორისო აეროპორტის ოფიციალური გახსნის ცერემონიაზე.

თურნავას თქმით, ბათუმის საერთაშორისო აეროპორტი აღადგენს თავის სიმძლავრეებს, უკვე 68%-ზეა ასული 2019 წლის მაისთან შედარებით.

მინისტრის ინფორმაციით, ასევე ზრდის პროცესია თბილისის და ქუთაისის საერთაშორისო აეროპორტებში.

მინისტრის ინფორმაციით, მიმართულებების და ქალაქების მიხედვით, 2019 წლის მაისის და 2021 წლის მაისის ფრენების რაოდენობის შედარება თუ მოხდება, უკვე 65%-ით არის აღდგენილი.

„ჩვენ ველოდებით კიდევ უფრო მეტ ზრდას. მთლიანობაში, იმ პროგნოზის გათვალისწინებით, რაც კეთდება გლობალურად ტურიზმის აღდგენის კუთხით და მათ შორის საქართველოში, რომელიც არის ერთ-ერთი ყველაზე უსაფრთხო და საინტერესო ბაზარი, ჩვენ ვვარაუდობთ, რომ უკვე 2023 წელს შევძლებთ, გადავასწროთ პანდემიამდელ დონეს მგზავრთნაკადის მომსახურების და მგზავრების მასპინძლობის თვალსაზრისით ყველა ჩვენი აეროპორტის მიხედვით“, - აღნიშნა ნათია თურნავამ.

ამასთან, ეკონომიკის მინისტრის თქმით, განსაკუთრებით სასიხარულოა, რომ საქართველოს ბაზარზე ახალი ავიაკომპანიები შემოდის. როგორც ნათია თურნავამ აღნიშნა, ეს ნიშნავს, რომ პანდემიამ არამარტო ვერ შეძლო, რომ არსებული კომპანიების ფრენების აღდგენა შეეფერხებინა, არამედ საქართველოს ცაში ახალი კომპანიები გამოჩნდა.

ნათია თურნავას განცხადებით, თბილისის საერთაშორისო აეროპორტში უახლოეს დღეებში ორი ახალი ევროპული დაბალბიუჯეტიანი კომპანია იწყებს ფრენებს - Eurowings და Bees Airline, ასევე ავიაკომპანია OMAN AIR. ბათუმის საერთაშორისო აეროპორტში დაიწყო ფრენები პოლონურმა LOT-მა, ასევე Bees Airline -მა, Air Astana-მ და FlyOne-მა.

„ეს პროცესი შემდგომშიც გრძელდება. აქედან გამომდინარე, ჩვენი ოპტიმიზმი, როდესაც ვამბობთ, რომ ეკონომიკა აღდგება 2-ჯერ უფრო სწრაფად, ვიდრე ეს იყო ნავარაუდევი თავიდან; რომ ტურიზმი აღდგება სულ მცირე ნახევარ დონეზე, რაც იყო 2019 წელს, დამყარებულია ჩვენს ძალიან რეალისტურ ნაბიჯებზე, ჩვენს პოლიტიკაზე და ეს სწორედ ასე იქნება“, - განაცხადა ნათია თურნავამ.

ალექსანდრე თვალჭრელიძე - თუ დაინიშნა რიგგარეშე საპარლამენტო არჩევნები, რისი ალბათობა რეალურია, 2024 წლის საპარლამენტო არჩევნების შედეგად ვერც ერთი პარტია გადამწყვეტ უმრავლესობას ვერ მოიპოვებს
ქართული პრესის მიმოხილვა 18.06.2021
ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე