ახალგაზრდობის სააგენტოს ხელმძღვანელი, რეზო ჩარკვიანი, ხობში, "ხობის ახალგაზრდული განვითარების პროგრამის" გახსნაში ჩაერთო. ამის შესახებ ინფორმაციას ახალგაზრდობის სააგენტო ავრცელებს.

სააგენტოს ინფორმაციით, მან, სააგენტოს ხედვაზე, ახალგაზრდების როლსა და მნიშვნელობაზე ისაუბრა, როგორც ქვეყნის მთავარი მამოძრავებელი ძალა.

“ხობის ახალგაზრდული განვითარების პროგრამის მიზანია: ხელი შეუწყოს, ხობის მუნიციპალიტეტში მცხოვრები 13-17 წლის ახალგაზრდების სრულფასოვანი განვითარებისთვის შესაბამისი გარემოს შექმნას, სადაც ახალგაზრდები შეძლებენ საკუთარი პოტენციალის სრულად რეალიზებასა და საზოგადოებრივი ცხოვრების ყველა სფეროში აქტიურ ჩართულობას.

პროგრამაში მონაწილეობა, ახალგაზრდებს ხელს შეუწყობს სრულად გამოავლინონ თავიანთი შესაძლებლობები საკლუბო აქტივობებში მონაწილეობით, განივითარონ სოციალური კომპეტენციების ფართო სფექტრი და მონაწილეობა მიიღონ გადაწყვეტილებების მიღების პროცესში.

პროგრამის ერთ-ერთი ორგანიზატორი ანი ბუკიაა, რომელიც განვითარების ფონდის დაფინანსებული პროექტის ფარგლებში ახალგაზრდული მუშაკის სასერტიფიკატო პროგრამის მონაწილე და მრჩეველთა საბჭოს წევრი იყო”, - აცხადებენ სააგენტოში.