ტყვიავში სასმელი წყლის სისტემის რეაბილიტაცია იგეგმება. გორის მერიამ პროექტით გათვალისწინებული სამუშაოების შესყიდვის მიზნით, ტენდერი 4 ივნისს გამოაცხადა.
გორის მერიის ინფორმაციით, შესყიდვის სავარაუდო ღირებულება 2 480 420 ლარია.
„პროექტის მიხედვით, მოეწყობა სადაწნეო კოშკი და საქლორატორო, რეაბილიტირდება ჭაბურღილები და შიდა ქსელი, დამონტაჟდება ინდივიდუალური მრიცხველები.
ამჟამად, სოფელში მცხოვრებ 950 - მდე ოჯახს სასმელი წყლის ამორტიზებული სისტემა ემსახურება, რის გამოც მოსახლეობის ნაწილი ხშირად სასმელი წყლის მიწოდების გარეშე რჩება.
სამუშაოების დასრულების შემდეგ, ადგილობრივები სასმელ წყალს უწყვეტად, 24 საათიან რეჟიმში მიიღებენ“ , -ნათქვამია ინფორმაციაში.