გიტანას ნაუსედა - თუ საქართველოში შიდა არეულობა იქნება, დარჩება ის პრობლემები, რომლებიც ჯერ კიდევ გადაუჭრელია, ასეთ შემთხვევაში ძალიან რთული იქნება ევროკავშირთან ინტეგრაციის ამბიციური გეგმის განხორციელება

თუ საქართველოში იქნება შიდა არეულობა, დარჩება ის პრობლემები, რომლებიც ჯერ კიდევ გადაუჭრელია, რეფორმები გვიან და ნელა განხორციელდება, ასეთ შემთხვევაში ძალიან რთული იქნება ევროკავშირთან ინტეგრაციის ამბიციური გეგმის განხორციელება,- ამის შესახებ ლიეტუვის პრეზიდენტმა გიტანას ნაუსედამ საქართველოში არსებული პოლიტიკური კრიზისის შეფასებისას განაცხადა.

მისი თქმით, საერთაშორისო საზოგადოება საქართველოს აკვირდება და იმ პირობებში, როგორიც არის საქართველოს ტერიტორიების ოკუპაცია, მნიშვნელოვანია, რომ ქვეყანა დარჩეს ერთიანი.

წინააღმდეგ შემთხვევაში, ლიეტუვის პრეზიდენტის თქმით, წინსვლა ძალიან რთული იქნება.

„ჩვეულებრივი ფენომენია, რომ ზოგჯერ პოლიტიკურ პარტიებს, რომლებსაც აქვთ განსხვავებული ხედვები, აქვთ განსხვავებული ფორმის უთანხმოება და ურთიერთბრძოლები, მაგრამ უკიდურესად მნიშვნელოვანია, განსაკუთრებით თქვენს ირგვლივ არსებულ პირობებში, როგორიც არის სამხრეთ ოსეთისა და აფხაზეთის ოკუპაცია, რომ თქვენ იყოთ ერთიანები. უნდა გამონახოთ გამოსავალი, რადგან სხვაგვარად ძალიან რთული იქნება წინ წასვლა. ეს ასევე, უკიდურესად მნიშვნელოვანია, რადგან ყველა თქვენ გიყურებთ. თუ საქართველოში იქნება შიდა არეულობა, დარჩება ის პრობლემები, რომლებიც ჯერ კიდევ გადაუჭრელია, რეფორმები გვიან და ნელა განხორციელდება, ასეთ შემთხვევაში, ძალიან რთული იქნება ევროკავშირთან ინტეგრაციის ამბიციური გეგმის განხორციელება. მე მტკიცედ მჯერა, რომ თქვენ ჯერ კიდევ გსურთ და ეძებთ გზებს ევროკავშირში გაწევრიანებისთვის. ლიეტუვა, ქვეყანა, რომელსაც აქვს გამოცდილება, რომელმაც დიდი ალბათობით, ბევრი შეცდომა დაუშვა, მაგრამ ამასთანავე გადადგა ძალიან კარგი და ამბიციური ნაბიჯები წინ, ევროკავშირის წევრი დამოუკიდებლობის მოპოვებიდან 14 წელში გახდა. ჩვენ დაგვჭირდა 14 წელი, რომ ევროკავშირის წევრი გავმხდარიყავით და ჩვენი გამოცდილება შესაძლოა იყოს ძალიან სასარგებლო თქვენთვის. აქედან გამომდინარე, ჩემი როგორც ლიეტუვის რესპუბლიკის პრეზიდენტის ამოცანა არის, რომ დაგეხმაროთ და მხარი დაგიჭიროთ, რათა განახორციელოთ სხვადასხვა პროექტი. მაგალითად, ჩვენ აქ, ხურვალეთში, განვახორციელეთ პროექტი, რომლის შედეგადაც მოეწყო მზის ელექტროსადგური, საიდანაც მოსახლეობას შეუძლია ჰქონდეს ცხელი წყალი და განავითარონ მცირე ბიზნესი. მისწრაფებების განცხადება ძალიან მნიშვნელოვანია, მაგრამ კონკრეტული ნაბიჯები და კონკრეტული პროექტები ხშირად უფრო მნიშვნელოვანია ადამიანებისთვის“, - განაცხადა ლიეტუვის პრეზიდენტმა.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 18.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის