ინფექციური პათოლოგიისა და შიდსის ცენტრის გენერალური დირექტორი, COVID-19-თან ბრძოლის კლინიკური ჯგუფის ხელმძღვანელი, თენგიზ ცერცვაძე ქალაქ ქუთაისში იმერეთის რეგიონის სამხარეო ხელმძღვანელობას და კოვიდ კლინიკების წარმომადგენლებს შეხვდა. ინფორმაციას თბილისის ინფექციური საავადმყოფოს პრესსამსახური ავრცელებს.

„შეხვედრაზე COVID-19-ით ავადმყოფების მოვლისა და მკურნალობის სერვისების ოპტიმიზაციის და გარდაცვალების შემთხვევების შემცირების საკითხები განიხილეს.

„განსაკუთრებული ყურადღება დაეთმო მკურნალობის ინოვაციური მეთოდების და მიდგომების დანერგვას. ერთმანეთს გაუზიარეს დაგროვილი გამოცდილება და მომავლის ამოცანები დასახეს.

შეხვედრაზე გამოითქვა რწმენა, რომ შემოდგომისთვის შესაძლო ე.წ. „მეოთხე ტალღა“ „მეორე“ და „მესამე ტალღებთან“ შედარებით მსუბუქი იქნება ხოლო, წლის ბოლოსთვის ქვეყანა შეძლებს კოვიდ პანდემიის დაძლევას“, -ნათქვამია ინფორმაციაში.