"აუცილებელია მოდერნიზაცია და რეაბილიტაცია ჩაუტარდეს ქალაქში არსებულ გაუმართავ ლიფტებს, რისთვისაც საჭიროა ერთობლივად დავსახოთ ზუსტი გეგმა, როგორ დავძლიოთ ეს გამოწვევა. ლიფტების რეაბილიტაციის მუნიციპალური პროგრამა მალე დაიწყება“, - ამის შესახებ რუსთავის მაჟორიტარმა დეპუტატმა ნინო ლაცაბიძემ განაცხადა.
მისივე თქმით, ბოლო პერიოდში რამდენიმე მძიმე შემთხვევა მოხდა.
„პირველად, მუნიციპალიტეტმა ლიფტების რეაბილიტაციისთვის ნახევარი მილიონი ლარი გამოყო. თუმცა, ეს არ არის საკმარისი. მუნიციპალური ბიუჯეტი დამოუკიდებლად ვერ უზრუნველყოფს 1200-მდე ლიფტის სრულ რეაბილიტაციას. ჩვენ გვინდა ქალაქში გვქონდეს ისეთი ლიფტები, რომლებიც უსაფრთხო იქნება თითოეული ადამიანისთვის. დარწმუნებული ვარ, ჩვენ, სახელმწიფოს ჩართულობით, შევძლებთ და წარმოვადგენთ ისეთ გეგმას, რომელითაც ლიფტებით მგზავრობას უსაფრთხოს და კომფორტულს გახდის“, - განაცხადა ნინო ლაცაბიძემ.