აჭარაში ზაფხულის ტურისტული სეზონი ოფიციალურად გაიხსნა

აჭარაში ზაფხულის ტურისტული სეზონი ოფიციალურად გაიხსნა. ამის შესახებ ინფორმაციას საქართველოს ტურიზმის ეროვნული ადმინისტრაცია ავრცელებს. მათი ინფორმაციით, სტუმრებს მთელი დღის განმავლობაში, ბათუმის ბულვარში სხვადასხვა კულტურული პროგრამაზე დასწრების საშუალება ჰქონდათ.

ბათუმის ბულვარში საზაფხულო თეატრთან და ანბანის კოშკთან ფრანების შოუ, ჯაზბიგბენდის კონცერტი, მოძრაობის თეატრის პანტომიმა, ავიაშოუ, ლათინო-ამერიკული ცეკვების შოუ და ულამაზესი საბალეტო წარმოდგენა მიმდინარეობდა.

სპეციალურად სეზონის გახსნისთვის აჭარაში მოქმედი ყველა სახელმწიფო მუზეუმი, განახლებული პეტრა და გონიოს ციხე ვიზიტორებს უფასოდ მასპინძლობდა. თოჯინებისა და ბათუმის დრამატულმა თეატრებმა კი სტუმრებს უფასო სპეკტაკლები „მერიპოპინსი“ და „ჰელადოს“ შესთავაზეს.

წელს, ზღვაზე დასვენებასთან ერთად რეგიონი სტუმრებს ახალ ტურისტულ ადგილებსა და პროდუქტებს შესთავაზებს. მათ შორის იქნება კანიონი ნგიუჩხოში, ექსტრემალური ველობილიკი ქედა-შუახევში, ახალი საპიკნიკე ადგილები ჩირუხში, კაპნისთავსა და სოფელ შუამთაში.

გარდა ამისა, მოგზაურებს საშუალება ექნებათ ახალ ტურისტულ ბილიკებზე იმოგზაურონ ღორჯომისხეობაში, ჭვანა-კინტრიშის ხეობასა და კაპნისთავში. სტუმრებისთვის ოფიციალურად გახსნილია რეგიონში მოქმედი ოთხივე ეროვნული პარკი და დაცული ტერიტორია.

„ზაფხულის ტურისტული სეზონი ოფიციალურად გავხსენით, თუმცა რეგიონს უცხოელი ვიზიტორები უკვე აპრილის თვიდან სტუმრობენ. ბათუმის მიმართულებით ფრენები ხორციელდება ისრაელიდან, უკრაინიდან, ბელარუსიდან, ყაზახეთიდან, თურქეთიდან, საუდის არაბეთიდან, რასაც მალე არაბეთის გაერთიანებული საემიროების, სომხეთის, პოლონეთისა და პალტიისპირეთის მიმართულებებიც შემოუერთდება. სეზონის გახსნით, ვიზიტორებს ვეუბნებით, რომ რეგიონი მზადაა უსაფრთხო გარემოში უმასპინძლოს მათ, რაშიც ჩვენთან ერთად უდიდესი პასუხისმგებლობა აკისრია კერძო სექტორს. სეზონის წინ ჩვენ კიდევ ერთხელ შევხვდით მათ და უსაფრთხოების ნორმებისა და კოვიდრეგულაციების დაცვისკენ მოვუწოდეთ. შესაბამისად, ვიმედოვნებთ, რომ ჩვენი პოზიტიური მოლოდინები გამართლდება და ზაფხულის ტურისტული სეზონი უსაფრთხო გარემოში ჩაივლის“, - განაცხადა აჭარის ტურიზმის დეპარტამენტის ხელმძღვანელმა თინათინ ზოიძემ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში