„ქურდული სამყაროს“ წევრობისა და „ქურდულ შეკრებაში“ მონაწილეობის საქმეზე დაკავებულებს ბრალი წარედგინათ

ე.წ. ქურდული სამყაროს წევრობისა და "ქურდულ გარჩევაში" მონაწილეობის ფაქტზე დაკავებულებს ბრალი წარედგინათ.

ადვოკატების ინფორმაციით, ბრალი მათ 223-ე მუხლით აქვთ წარდგენილი.

უფლებადამცველების თქმით, მათი დაცვის ქვეშ მყოფები ბრალს არ აღიარებენ და ქურდულ სამყაროსთან კავშირს უარყოფენ.

ადვოკატ მიხეილ ნემსაძის ინფორმაციით, გავრცელებული ვიდეო კადრები მონტაჟია და დაკავებული დავით სანდუხაძის და თემურ ჩხეიძის რეალურ საუბარს არ ასახავს. მისი თქმით, ვიდეო ფაბრიკაცია გარკვეული მიზეზით არის შედგენილი, რაზეც ამ ეტაპზე არ ისაუბრებენ.

ადვოკატი ვიდეოს ავთენტურობის დადგენას მოითხოვს.

რაც შეეხება მესამე დაკავებულს, როგორც მისი უფლებადამცველი გურამ გვენცაძე აცხადებს, ალეკო მელაძე უდანაშაულოა, მას ე.წ. ქურდულ სამყაროსთან კავშირი არ აქვს. ის ერთ-ერთ კომპანიაში მაღალ თანამდებობაზე მუშაობს. ადვოკატის თქმით, ელოდებიან სასამართლო პროცესს და წარმოდგენილი მასალების მიხედვით გადაწყვეტენ, რა სახის შუამდგომლობას დააყენებენ.

დაკავებულების სასამართლო პროცესი, სავარაუდოდ, ხვალ გაიმართება.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს