აჭარის უმაღლეს საბჭოში პლენარული სხდომა ხმაურით დაიწყო. ერთმანეთს სიტყვიერად მმართველი გუნდის წევრები და ოპოზიციის წარმომადგენლები დაუპირისპირდნენ.

როგორც „ერთიანი ნაციონალური მოძრაობის" წევრი მედეა ვასაძე აცხადებს, მის მიმართ სოციალურ ქსელში მმართველი გუნდის მხრიდან შეურაცხმყოფელი კომენტარები კეთდება, რის გამოც მედეა ვასაძე „ქართულ ოცნებას" სიძულვილსა და დეპუტატის მიმართ აგრესიაში ადანაშაულს.

თავის მხრივ, მმართველ გუნდში მედეა ვასაძე პროვოკაციის მოწყობაში დაადანაშაულეს და განაცხადეს, რომ „ოპოზიციის წევრები აჭარის უმაღლეს საბჭოში შესაშვები არ იყვნენ“.