აჭარის ტურიზმის დეპარტამენტმა მედიატურს უმასპინძლა

შიდა ტურიზმის სტიმულირების მიზნით აჭარის ტურიზმის დეპარტამენტმა მედიატურს უმასპინძლა.

როგორც "ინტერპრესნიუსს" აჭარის ტურიზმისა და კურორტების დეპარტამენტიდან აცნობეს, ცენტრალური და ადგილობრივი მედიის წარმომადგენლებმა რეგიონში იმოგზაურეს და ახალი ტურისტული პროდუქტები დაათვალიერეს. ჟურნალისტებმა თავად გამოსცადეს ყველა ის ტურისტული სერვისი, რაც აჭარაში აქტიური დასვენებისა და ექსტრემალური ტურიზმის მოყვარულებზეა გათვლილი.

ზიპლაინი მახუნცეთის ჩანჩქერზე, ჯომარდობა აჭარის წყალზე, პარაპლანი გონიოში, იახტით გასეირნება შავ ზღვაზე - იმ ტურისტულ სერვისებს შორისაა, რასაც აჭარა ტურისტებს სთავაზობს. მედიატურის მონაწილეები პეტრას ციხესაც სტუმრობდნენ, სადაც განახლებულ ტურისტულ ინფრასტრუქტურა დაათვალიერეს. ტურის განმავლობაში მონაწილეებს საშუალება ჰქონდათ ადგილობრივ სამზარეულოსაც გაცნობოდნენ, დასწრებოდნენ კულინარიულ მასტერკლასებსა და რეგიონისთვის დამახასიათებელი კერძები დაეგემოვნებინათ.

„წლის განმავლობაში ჩვენ ეტაპობრივად ვუმასპინძლებთ როგორც ქართული, ისე უცხოური მედიის წარმომადგენლებს, რათა სრულად წარმოვაჩინოთ რეგიონის ტურისტული შესაძლებლობები. ჩვენ გვაქვს მრავალფეროვანი ტურისტული პროდუქტები, როგორც ზღვაზე დასვენების, ისე ეკოტურიზმის, სამთო და სათავგადასავლო ტურიზმის მოყვარულებისთვის. მედია-ინფოტურებისას კი აჭარის ტურისტულ მიმართულებებსა და სერვისებს ვაცნობთ ჟურნალისტებს, ბლოგერებს, ინფლუენსერებს, ტურსააგენტოებსა და გიდებს, რათა მაქსიმალურად შევძლოთ რეგიონის პოპულარიზაცია, შედეგად კი პოტენციური ტურისტების დაინტერესება აჭარით“, - განაცხადა აჭარის ტურიზმის დეპარტამენტის ხელმძღვანელმა თინათინ ზოიძემ.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 19.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის