აჭარის უმაღლესი საბჭოს საფინანსო-საბიუჯეტო და ეკონომიკურ საკითხთა კომიტეტის სხდომაზე აჭარის 2021 წლის რესპუბლიკურ ბიუჯეტში შესატანი ცვლილებები განიხილეს. კომიტეტს თავმჯდომარე მარინე გვიანიძე უძღვებოდა. ამის შესახებ ინფორმაციას აჭარის უმაღლესი საბჭო ავრცელებს.
მათივე ცნობით, საბიუჯეტო კანონის პროექტი სხდომაზე ფინანსთა და ეკონომიკის მინისტრმა წარმოადგინა. ჯაბა ფუტკარაძემ, ძირითადი საბიუჯეტო პარამეტრების პარალელურად, სხვადასხვა სფეროში მიმდინარე პროექტებსა და პროგრამებზე გაამახვილა ყურადღება, უპასუხა კანონმდებელთა შეკითხვებს.
წამყვანმა კომიტეტმა მხარი დაუჭირა კანონის პროექტის უმაღლესი საბჭოს სხდომაზე გატანას.
ამავე სხდომაზე, კომიტეტმა მხარი დაუჭირა ოპოზიციის კვოტით კომიტეტის თავმჯდომარის მოადგილის თანამდებობაზე წარდგენილ გიორგი კირთაძის კანდიდატურას.