ქობულეთში, სოფელ ბობოყვათის მცხოვრებლები საპროტესტო აქციას მართავენ. მათ პროტესტის ნიშნად ბათუმი-თბილისის დამაკავშირებელი სარკინიგზო მონაკვეთი გადაკეტეს.

როგორც შეკრებილებმა განაცხადეს, ისინი ზღვისპირა ზოლში მიწების დაბრუნებას ითხოვენ. აქციის მონაწილეების თქმით, აღნიშნული მიწის ნაკვეთები წინაპრებმა დაუტოვეს, რომელიც 2004 წელს სახელმწიფომ ჩამოართვა. მათი განცხადებით, 150-მდე მესაკუთრის მიწის ნაკვეთები, მთავრობამ აუქციონზე გაიტანა, რასაც აპროტესტებენ.

აქციის მონაწილეები, სარკინიგზო გზის გახსნას არ აპირებენ, თუ მათ ადგილობრივი ხელისუფლების წარმომადგენლები არ შეხვდებიან. ისინი მთავრობის წარმომადგენლებს სოფელ ბობოყვათში ელოდებიან.