„ნამახვანჰესის“ მოწინააღმდეგეებს სოფელ გუმათში იმერეთის გუბერნატორი შეხვდა. ზვიად შალამბერიძის თქმით, სახელმწიფომ პროტესტის მონაწილეებს სოფელ ნამახვანში პროტესტის გადასატანად 13 ალტერნატიული ლოკაცია შესთავაზა.
მისივე განმარტებით, ეს იყო ერთ-ერთი მთავარი საკითხი ევროკავშირის მედიაციით გამართულ შეხვედრაზე.
ჰესის მოწინააღმდეგები ხვალ შეთავაზებულ ადგილებს დაათვალიერებენ და ამის შემდეგ მიიღებენ გადაწყვეტილებას დათანხმდებიან თუ არა რომელიმე შეთავაზებულ ლოკაციაზე კარვების გაშლას.
აქციის მონაწილეების მოთხოვნა პროტესტის თავდაპირველ ლოკაციაზე დაბრუნებაზე იყო, თუმცა გუბერნატორის განმარტებით, აღნიშნული მიწა კომპანიის სახელზეა რეგისტრირებული და ამ საკითხზე დავა გრძელდება, ამიტომ იქ კარვების გაშლა შეუძლებელია.