გორი-მეჯვრისხევის გზაზე ავტოსაგზაო შემთხვევის შედეგად 1  ადამიანი დაშავდა

გორი-მეჯვრისხევის საავტომობილო გზაზე მომხდარი ავტოსაგზაო შემთხვევის შედეგად ერთი ადამიანი მსუბუქად დაშავდა და ბუნებრივი აირის მილსადენი დაზიანდა.

,,ბეემვეს" მარკის ავტომანქანა სოფელ ხელთუბანთან გზის სავალი ნაწილიდან გადავარდა, რა დროსაც მილს შეეჯახა. შემთხვევის შედეგად რამდენიმე სოფელი გაზის გარეშე დარჩა.

,,სოფელ ხელთუბანთან მომხდარი ავტოსაგზაო შემთხვევის შედეგად მძღოლი ძალზე მსუბუქად დაშავდა, მაგრამ ავარიისას დაზიანდა გაზის მილი, რის გამოც ამ დროისთვის რამდენიმე სოფელს ბუნებრივი აირი არ მიეწოდება, თუმცა, მიმდინარეობს აღდგენითი სამუშაოები და უმოკლეს დროში მოხდება გაზის მიწოდების აღდგენა", - განაცხადა გორის მუნიციპალიტეტის მერმა კონსტანტინე თავზარაშვილმა.

როგორც ,,ინტერპრესნიუსს" შსს-ში განუცხადეს, მომხდარ ფაქტზე მიმდინარეობს ადმინისტრაციული წესით სამართალწარმოება.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე