ქუთაისში, ინტერვენციული მედიცინის ცენტრში გარდაცვლილი პაციენტის ოჯახი ექიმებს დაუდევრობაში ადანაშაულებს. ახლობლების ინფორმაციით, 47 წლის ქალი კლინიკაში გუშინწინ თირკმლის უკმარისობით წყალტუბოდან გადაიყვანეს. ოჯახის თქმით, მას ოპერაცია დაგვიანებით ჩაუტარდა, რამაც გართულება და სიკვდილი გამოიწვია. გარდაცვლილის ოჯახმა საპატრულო პოლიცია გამოიძახა, ისინი დამნაშავეების დასჯას მოითხოვენ.

კლინიკაში ბრალდებას არ ეთანხმებიან. მათი თქმით, პაციენტი რთული მდგომარეობით შევიდა. მას ადგილზე ყველა საჭირო პროცედურა ჩაუტარდა, თუმცა, მისი გადარჩენა ვერ მოხერხდა. კლინიკა მზადაა ითანამშრომლოს გამოძიებასთან.