ლევან დავითაშვილი შიდა ქართლში ფერმერებსა და მეწარმეებს შეხვდა

გარემოს დაცვისა და სოფლის მეურნეობის მინისტრი ლევან დავითაშვილი, რეგიონული განვითარებისა და ინფრასტრუქტურის მინისტრთან, ირაკლი ქარსელაძესთან და მთავრობის ადმინისტრაციის რეგიონებთან ურთიერთობის დეპარტამენტის უფროსთან, ლერი ბარნაბიშვილთან ერთად, შიდა ქართლში, ფერმერებსა და მეწარმეებს შეხვდა. ინფორმაციას უწყების პრესსამსახური ავრცელებს.

„ძალიან საინტერესო შეხვედრები გვქონდა შიდა ქართლის ყველა მუნიციპალიტეტის ფერმერებთან, სადაც სოფლის მეურნეობის მიმართულებით არსებული სამომავლო გეგმები განვიხილეთ. ყურადღება გამახვილდა პრემიერის ინიციატივით შემუშავებულ გრძელვადიან ხედვებზე, დარგობრივ განვითარებაზე. რა თქმა უნდა, ფერმერებისთვის ძალიან საინტერესოა, რას გეგმავს სახელმწიფო, რა სამომავლო მიდგომები გვაქვს. ასევე ძალიან მნიშვნელოვანია, ფერმერების მხრიდან მათი საჭიროებების მოსმენა, რაც, რა თქმა უნდა, მოკლევადიან პროგრამებში იქნება ასახული", - განაცხადა ლევან დავითაშვილმა.

მთავრობის ადმინისტრაციის რეგიონებთან ურთიერთობის დეპარტამენტის უფროსის, ლერი ბარნაბიშვილის განცხადებით, სახელმწიფო გეგმაზომიერად ახორციელებს სოფლისა და სოფლის მეურნეობის გაძლიერების პოლიტიკას.

,,ჩვენ კარგად გვესმის ის გამოწვევები, რომლის წინაშეც დადგა ბიზნესი პანდემიის შედეგად. სახელმწიფო, თანადაფინანსების პრინციპით, მეწარმეებს ბაღების გაშენებისა და სანერგე მეურნეობის შექმნის ხარჯების დაფინანსებაში ეხმარება ", - განაცხადა ლერი ბარნაბიშვილმა.

გარემოს დაცვისა და სოფლის მეურნეობის მინისტრის ცნობით, ფერმერებთან გამართულ შეხვედრას, რომელიც დიალოგის რეჟიმში წარიმართა, შიდა ქართლის რეგიონის სახელმწიფო რწმუნებული ვალერიან მჭედლიძეც ესწრებოდა. უწყების ინფორმაციით, ფერმერებმა განსაკუთრებული ინტერესი სოფლის განვითარების სააგენტოს პირველადი წარმოების, გადამმუშავებელი და სამაცივრე მეურნეობების თანადაფინანსების სახელმწიფო პროგრამების მიმართ გამოხატეს.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა