დავით კირკიტაძე - ჩვენი განცხადებები ნიკა მელიას მერობაზე საერთოდ არ მოდის წინააღმდეგობაში იმასთან, რომ თემურ ჭყონია იქნებოდა ქალაქის კარგი მერი - ყველანაირი სცენარისთვის მზად ვართ

მთავარი ჭირი უნდა მოვიშოროთ, ამიტომ ჩვენ ამ კუთხით მზად ვართ აბსოლუტურად ყველა იდეა განვიხილოთ, დავეთანხმოთ და ერთიანი სტრატეგია შევარჩიოთ. საჭიროა ბევრი მერობის კანდიდატი? - იყოს ბევრი, საჭიროა ერთი? - იყოს ერთი, - ამის შესახებ „ნაციონალური მოძრაობის“ ერთ-ერთმა ლიდერმა დავით კირკიტაძემ „პალიტრანიუსის“ გადაცემა „360 გრადუსში“ განაცხადა.

მისი თქმით, „ნაციონალური მოძრაობის“ მიზანი არ არის რაც შეიძლება ბევრ ქალაქში წარადგინოს მერობის კანდიდატი ან ის თუ რამდენი წევრი ეყოლება საკრებულოებში.

მისივე განმარტებით, პარტიის წევრების განცხადებები იმასთან დაკავშირებით, რომ არჩევნებში გამარჯვების თვალსაზრისით ნიკა მელია დედაქალაქის მერობის უალტერნატივო კანდიდატია, წინააღმდეგობაში არ მოდის იმასთან, რომ მაგალითად თემურ ჭყონია ქალაქის კარგი მერი იქნებოდა.

როგორც კირკიტაძე აცხადებს, ოპოზიციურ პარტიებს ბევრი იდეა აქვთ იმასთან დაკავშირებით, თუ როგორ უნდა წარსდგნენ არჩევნებზე და „ნაციონალური მოძრაობა“ ყველა მათგანის განხილვისთვის მზადაა.

„რატომ გგონიათ, რომ ჩვენ თემურ ჭყონიას მერობის იდეის რამე საწინააღმდეგო გვაქვს? ჩვენი განცხადებები ნიკა მელიას მერობასთან დაკავშირებით საერთოდ არ მოდის წინააღმდეგობაში იმასთან, რომ თემურ ჭყონია იქნებოდა ქალაქის კარგი მერი. ეს იდეა, რომელიც გაჟღერდა, ვთქვით, რომ ძალიან საინტერესოა და ამ იდეის განხორციელების პროცესში მზად ვართ, ჩავერთოთ და გადავდგათ გარკვეული ნაბიჯები, მაგრამ თქვენც ამჩნევთ, რომ ოპოზიციურ პარტიებში რამდენიმე იდეაა იმ სტრატეგიასთან დაკავშირებით, როგორ უნდა წავიდეთ ამ არჩევნებზე. ჩვენ ვართ ყველანაირი სცენარისთვის მზად. ჩვენ უპირველესად მიგვაჩნია და მთავარ ამოსავალ წერტილად მიგვაჩნია არა ის, „ნაციონალური მოძრაობა“ რამდენ მუნიციპალიტეტში გაიყვანს მერობის კანდიდატს ან რამდენი საკრებულოს წევრი ეყოლება - არა, ჩვენი მთავარი ამოცანაა ამ არჩევნებზე, რომ 43% ვერ უნდა აიღოს „ქართულმა ოცნებამ“. ამისთვის ჩვენ მზად ვართ აბსოლუტურად ყველა დონეზე, ყველა ქალაქსა და მუნიციპალიტეტში მივაღწიოთ შეთანხმებას თუ ეს სჭირდება ამ მიზნის მიღწევას. თუ საზოგადოებას სჭირდება მრავალფეროვანი არჩევანი, ამისთვისაც მზად ვართ, თუ გამოჩნდება ვინმე მენეჯერი, აპარტიული, მისი მხარდაჭერისთვისაც მზად ვართ. მთავარია, რომ ჩვენ ეს ჭირი, რომელიც მოგვეხვია თავზე, მოვიშოროთ, ამიტომ ჩვენ ამ კუთხით მზად ვართ აბსოლუტურად ყველა იდეა განვიხილოთ, დავეთანხმოთ და ერთიანი სტრატეგია შევარჩიოთ. საჭიროა ბევრი მერობის კანდიდატი? - იყოს ბევრი, საჭიროა ერთი? - იყოს ერთი“, - განაცხადა კირკიტაძემ.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს