ორმა ოპოზიციურმა ფრაქციამ ნატო-ში გაწევრიანებასთან დაკავშირებით ინტერფრაქციულ საპარლამენტო მემორანდუმს მოაწერა ხელი

პარლამენტში, ოპოზიციურმა ფრაქციებმა ნატო-ში გაწევრიანებასთან დაკავშირებით ინტერფრაქციულ საპარლამენტო მემორანდუმს მოაწერეს ხელი. კერძოდ, დოკუმენტს ფრაქციები "ლელო-პარტნიორობა საქართველოსთვის" და „შარლ მიშელის რეფორმების ჯგუფი" შეუერთდა.

დოკუმენტში საუბარია საქართველოსა და უკრაინის ნატო-ში გაწევრიანების მისწრაფებასთან დაკავშირებით. მემორანდუმში აღნიშნულია მიზნობრივი საერთაშორისო საპარლამენტო პლატფორმის შექმნის საჭიროებაზე, რათა ერთობლივი ძალისხმევა მიმართული იყოს ნატო-ში წევრობისკენ.

„საქართველომ და უკრაინამ ნატო-ში გაწევრიანება დასახა ეროვნული უსაფრთხოების და დემოკრატიის გაძლიერების საფუძვლად. ორი ქვეყნის ევროატლანტიკური მისწრაფებები ასახულია სახელმწიფოთა კონსტიტუციებში. ორივე ქვეყანას გააჩნია ნატო-ს 2008 წლის ბუქარესტის დეკლარაციის დაპირება, რომ ჩვენი ქვეყნები გახდებიან ნატო-ს წევრები. ჩვენი ღრმა რწმენით, საქართველოსა და უკრაინისა გაწევრიანება ნატო-ში მნიშვნელოვანია შავი ზღვის რეგიონში მოკავშირეთა უსაფრთხოებისათვის. ჩვენს რწმენას ამყარებს პრაქტიკაც, რომ ნატო გაფართოებისას პრიორიტეტს რეგიონულ დინამიკას ანიჭებს. ამისათვის, აუცილებელია შევქმნათ მიზნობრივი საერთაშორისო საპარლამენტო პლატფორმა, რათა ერთობლივი ძალისხმევა მიმართული იყოს ნატო-ში წევრობისკენ. პროცესი ღია და გახსნილი იქნება ყველა დაინტერესებული მხარისათვის. მიზნის მისაღწევად ვგეგმავთ განვახორციელოთ შემდეგი ღონისძიებები:

საპარლამენტო დონეზე შევიმუშაოთ ერთობლივი სამოქმედო გეგმა. სამოქმედო გეგმის შემუშავების მიზნით ვაწარმოებთ აქტიურ კომუნიკაციას, როგორც მეგობარ ქვეყნებთან, ასევე შესაბამის საერთაშორისო ორგანიზაციებთან. პროცესში ჩასართავად მოვიწვევთ ქართველ და უკრაინელ დეპუტატებს, ისევე როგორც ნატო-ს ასპირანტი და წევრი ქვეყნების არასამთავრობო ორგანიზაციებისა და აკადემიური წრეების წარმომადგენლებს.

ინიციატივის ფარგლებში ჩვენ დავიწყებთ საერთო ეროვნულ განხილვებს, რათა ყველას მიეცეს პროცესში ჩართულობის შესაძლებლობა. პერიოდულად ინტერფრაქციულ სამუშაო ფორმატში ფართო საზოგადოების ჩართულობით განვიხილავთ პროგრესს ნატო-ში გაწევრიანების გზაზე.

განვახორციელებთ საპარლამენტო ზედამხედველობას აღმასრულებელ ხელისუფლებაზე, რათა უზრუნველყოფილი იყოს, ნატო-ს სტანდარტების შესრულება ჩვენი ქვეყნების დემოკრატიული განვითარების, კანონის უზენაესობისა და თავდაცვის სფეროში ნატო-სთან თავსებადობის ხარისხის ასამაღლებლად.

ძალისხმევას არ დავიშურებთ, რათა საქართველოსა და უკრაინის ნატო-ში გაწევრიანების საკითხი მუდმივად იყოს ნატო-ს მაღალი ოფიციალური შეხვედრების დღის წესრიგში,"- აღნიშნულია დოკუმენტში.

მემორანდუმის ინიციატორები არიან საპარლამენტო ფრაქციები "შარლ მიშელის რეფორმების ჯგუფი" და “ლელო-პარტნიორობა საქართველოსთვის", მემორანდუმი ღიაა სხვა პარტიებისთვისაც.

იხილეთ ვიდეო:ორმა ოპოზიციურმა ფრაქციამ ნატო-ში გაწევრიანებასთან დაკავშირებით ინტერფრაქციულ საპარლამენტო მემორანდუმს მოაწერა ხელი

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა