დავით მათიკაშვილი - მოსამართლეების დანიშვნის პროცესი სრულ შესაბამისობაშია იმ ვალდებულებასთან, რაც შარლ მიშელის დოკუმენტშია გათვალისწინებული

უმრავლესობის წევრის, დავით მათიკაშვილის შეფასებით, უზენაესი სასამართლოს მოსამართლეების დანიშვნის პროცესი სრულ შესაბამისობაშია იმ აღებულ ვალდებულებასა და სულისკვეთებასთან, რომელიც მედიატორ შარლ მიშელის დოკუმენტშია გათვალისწინებული. როგორც მან ჟურნალისტებს განუცხადა, „ქართულმა ოცნებამ“ ყველა ნაკისრი ვალდებულება შეასრულა.

„უმნიშვნელოვანესი პროცესი და გამჭვირვალე პროცედურა დაინერგა ჯერ კიდევ წინა მოწვევის პარლამენტში, როდესაც პარლამენტმა უზენაესი სასამართლოს მოსამართლეები აირჩია. დღევანდელი პოლიტიკური და სამართლებრივი მოცემულობა არის შემდეგი - შარლ მიშელის დოკუმენტში აბსოლუტურად გათვალისწინებულია ყველა ვალდებულება, რომელიც ხელმომწერმა მხარეებმა აიღეს. კერძოდ, „ქართულმა ოცნებამ“ აღებული ვალდებულება შეასრულა, შესაბამისი რეფორმა განახორციელა, დოკუმენტი ვენეციის კომისიაში გაიგზავნა და მხოლოდ შემდგომ გაგრძელდა ის პროცედურა, რომელიც სწორედ შარლ მიშელის დოკუმენტით იყო „ქართული ოცნების“ მიერ აღებული ვალდებულება. პროცესი წარმოადგენს სრულ შესაბამისობას იმ აღებულ ვალებულასთან და სულისკვეთებასთან, რომელიც შარლ მიშელის დოკუმენტით არის“, - განაცხადა მათიკაშვილმა.

ჟურნალისტების კითხვაზე, ხომ არ დგას საკითხის ლეგიტიმურობის პრობლემა იმ ფონზე, როდესაც პარლამენტში დაგეგმილი კანდიდატების მოსმენას სახალხო დამცველი და ოპოზიცის ნაწილი არ დაესწრება, მათიკაშვილმა უპასუხა, რომ „პროცესი სრულიად გამჭვირვალეა“.

„ეს არის უაღრესად გამჭვირვალე პროცედურა, რომელიც ჯერ კიდევ წინა მოწვევის პარლამენტში მიიღეს და მოიწონეს საერთაშორისო პარტნიორებმა. მნიშვნელოვანია ყველა მხარემ გამოიყენოს ის კვოტები, რომელიც ამ პროცედურით არის გათვალისწინებული, ანუ ყველა დაესწროს მოსმენებს. რა თქმა უნდა, დასწრების საკითხი უშუალოდ მათი გადასაწყვეტია“, - განაცხადა მათიკაშვილმა.

ცნობისთვის, სახალხო დამცველი უარს ამბობს უზენაესი სასამართლოს მოსამართლეობის კანდიდატების მოსმენაში ჩართვაზე მანამ, სანამ არ იქნება უზრუნველყოფილი იუსტიციის უმაღლესი საბჭოს ფუნდამენტური რეფორმა და არ დასრულდება მოსამართლეების გავლენიანი ჯგუფის სასამართლო სისტემის ერთპიროვნული მართვა.

როგორც სახალხო დამცველის აპარატის განცხადებაშია ნათქვამი, დღეს არსებული მდგომარეობა მოითხოვს იუსტიციის უმაღლესი საბჭოს ფუნდამენტურ რეფორმას და მის გატარებამდე, უზენაეს სასამართლოში ახალი მოსამართლეების არჩევა ისევ მოსამართლეთა გავლენიანი ჯგუფის გაძლიერებისაკენ მიმართული ნაბიჯია.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 30.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
კახა ოქრიაშვილი - ჩვენ, ქართველებს არ გვეკადრება ისეთი ხელისუფლება, რომელსაც საკუთარი ერი ფიზიკურ და ფსიქოლოგიურ ტერორში ჰყავს
კომპანია „აზრმა“ BDO Digital-თან თანამშრომლობით ISO 27001 სტანდარტი დანერგა
ბაზისბანკის ინვესტიციით, მესტიაში სასტუმრო „ლილეო ინნ“ გაიხსნა
სიახლე მხოლოდ „ლიბერთის“ მომხმარებლებისთვის
„შეცვალე“ – „პროკრედიტ ბანკი“ მასშტაბურ გარემოსდაცვით კამპანიას იწყებს
ვებ-გვერდ ss.ge-ზე ვიზიტორთა რაოდენობა 60 000-მდე გაიზარდა, მათ შორის 30% უცხო ქვეყნის მოქალაქეა
WhiteBit კრიპტოვალუტის ბირჟაზე ხელმისაწვდომი გახდა დოლარისა და ევროს გატანა Visa/Mastercard-ზე, ისევე როგორც უკრაინული გრივნის გატანა IBAN საბანკო ანგარიშის ნომერზე
„ჰიუნდაი ავტო საქართველომ“ 25 წლის იუბილე აღნიშნა
უძრავი ქონების პლატფორმას - Georgia Real Estate ახალი გენერალური დირექტორი ჰყავს
ბაზისბანკი, ბიზნესის დაკრედიტების ზრდის ტემპით, პირველ ადგილზეა
PSP “ჯანმრთელობის პროგნოზი“ - ახალ კამპანიას იწყებს